10 कुमाउनी बाल कविता-2
10 कुमाउनी बाल कविता-2
1. धौनी काकू
धौनी काकू-धौनी काकू
छक्क किलै लगूँछा तुम
सिईनाक दर्शकों कें
झटपट किलै जगूँछा तुम।
2.गर्ज्यागान
गोल गोल- गर्ज्यागान
थिक थोल- गर्ज्यागान
ठुलो ठुलो – गर्ज्यागान
मेरो लाड़िलो- गर्ज्यागान।
3. पिपरी बाज
ललुवा बजौ- पिपरी बाज
कलुवा बजौ- पिपरी बाज
मी ले बजूँ – पिपरी बाज
तू ले बजौ- पिपरी बाज।
4. लाल बुरूंश
डाण में खिलूँ- लाल बुरूँश
हावल हिलूँ- लाल बुरूँश
किसम नमानकि दवै बणैं
जूस दिलूँ- लाल बुरूँश।
5. ताल
तालूनक पाणि द्यखौ
माच्छोंकि पराणि द्यखौ
वां बै यां, याँ बै वाँ
नौकाओंक उज्याणि द्यखौ।
6.माकड़
नान-नान कालो-कालो
छरपट छालो-छालो
जाला भितेर लुकि रौ
माकड़ तलिकै झुकि रौ।
7. गुल्ली डंड- जिंदाबाद
लगौ दंड-जिंदाबाद
हैरौ ठंड- जिंदाबाद
तूँ ले खेल-मीं ले खेलूँ
गुल्ली डंड- जिंदाबाद।
8. नैनो कार
नानी नानि- नैनो कार
हैरै ठाड़ि- नैनो कार
तूं ले बस- मीं ले बसूँ
लाड़िलि गाड़ि- नैनो कार।
9. मि फौजी बणूँल
दुश्मनक छक्क छुड़ूँल
बौडर में लड़ै लड़ूँल
सुभावक मनमौजी बणूँल
मि फौजी बणूँल।
10. इकन्नि काकि
पार भीड़ैकि- चवन्नि काकि
वार भीड़ैकि- अठन्नि काकि
बिच्च में अलझि रै
मेरि लाड़िलि- इकन्नि काकि।
***
Share this post
About Author
Pawan Sir
डॉ० पवनेश उत्तराखंड के बहुमुखी प्रतिभा सम्पन्न युवा हैं। ये शिक्षा, साहित्य और संस्कृति के प्रति समर्पित हैं। हिंदी और कुमाउनी दोनों मातृभाषाओं से इन्हें विशेष लगाव है। ये शिक्षण कार्य से जुड़े हैं और हिंदी और कुमाउनी में 27 से अधिक पुस्तकें लिख चुके हैं। कुमाऊं विश्वविद्यालय से हिंदी साहित्य में पीएचडी उत्तीर्ण पवन सर ने पत्रकारिता में भी डिप्लोमा हासिल किया है।