हेमंत कांडपाल की कुमाउनी कविताएँ
हेमंत कांडपालकि कुमाउनी कविता
1. प्रकृति
प्रकृति हमरि सबु हबै ठुल ईज
आज हमु हबे रिस्यै गे ।
कै दयो का धार, कै आग जौस घाम
कै हयूं पड़रौ मौत ल्यूडि
प्रकृति बेलगाम।
रिसी-काव, स्याव बणों बैं हरैगि
प्रकृति में सबै तरफ़ कोहराम।
प्लास्टिकक जहर घोई है जाग-जाग
हमूकै दिण पड़ाल यैक दाम।
जरा सोचो हमार पाडी़ धार, नौव, सिमार, और घट
कां गेन्हाल आज।
ईज बाबु कै गौं-घरोंमें छोड़बे
शहरों में के करि ल्हियौल समाज।
मैसोक यौ ईजक प्रति निरादर
भौतभल न्हैं।
इमै जरूरी छु सुधार
जब हम ईज कै इजक समान इज्जत दयुन तब ऊ लै करैलि प्यार।।
२.पलायनक को जिम्मेदार !
पहाड़क् पहाड़ हबेर ठुल समस्या पलायनक को जिम्मेदार?
यांक मैंस या यांक सरकार
बताओ जरा ?
बाखई बाखई खालि हैगीं
गौं- गौंनों में सुनसानी छू।
बानर, बरहा, सौल भुति रीं,
बेरोजगारी अलग परेशानी छु।
नई राज्यक स्वैण, स्वैणै रइ
पहाड़क विकास में।
एक संस्कृति मरणै आदु अधुर प्रयास में।।
*रचनाकार परिचय*
नाम- हेमंत कुमार काण्डपाल
जन्मतिथि- 15 सितम्बर, 1988
व्यवसाय- शिक्षक (रा० इ० का० असों-बागेश्वर)
मूल निवासी- गौं- कांटई, कौसाणि (अल्माण)
शैक्षिक योग्यता- एम. ए., बी.एड.
शौक- तैराकी, लेखन, घुमण-फिरण, सामाजिक काम आदि।
संतोष जोशी की कुमाउनी कविताएँ
ललित शौर्य की कुमाउनी कविताएँ
कुमाउनी कवि ताराराम आर्य के लोकप्रिय गीत
About Author
Pawan Sir
डॉ० पवनेश उत्तराखंड के बहुमुखी प्रतिभा सम्पन्न युवा हैं। ये शिक्षा, साहित्य और संस्कृति के प्रति समर्पित हैं। हिंदी और कुमाउनी दोनों मातृभाषाओं से इन्हें विशेष लगाव है। ये शिक्षण कार्य से जुड़े हैं और हिंदी और कुमाउनी में 22 से अधिक पुस्तकें लिख चुके हैं। कुमाऊं विश्वविद्यालय से हिंदी साहित्य में पीएचडी उत्तीर्ण पवन सर ने पत्रकारिता में भी डिप्लोमा हासिल किया है।
पहाड़ों में सुनसानी हैगे पलायन भौते हैगो